माम हाम भनी लिटो दूध खुवाइरहने आमा ।।
हातमा हात समाई उभिन सिकाइरहने आमा ।
बाबा मामा चाचा नाना पापा चिनाइरहने आमा ।।
सुनाई विकासमा हाउभाउ आवाज दिइरहने आमा ।
बोलाई विकासमा कहिल्यै नथाकी बोलिरहने आमा ।।
नाना चाचा देखाएर सिकाइरहने आमा ।
सर्वांगीण विकासमा निरन्तर लागिरहने आमा ।।
रोइरहेको देखेमा आँशु पुछिदिरहने आमा ।
माम खुवाउन चरी कुकु देखाइरहने आमा ।।
ताती ताती गरी हिँडाइरहने आमा ।
निदाउन सुम्सुम्याई लोली गाइरहने आमा ।।
साना ठूला सबैलाई आदर माया गरिरहने आमा ।
असल बानी बेेहोरा बनाउन सिकाइरहने आमा ।।
तेते लगाउँदा नानी बडबड भनिरहने आमा ।
तोते बोली बोलिरहँदा खुसी भइरहने आमा ।।
घरलाई विद्यालय बनाइरहने गुरुआमा ।
असल मानिस बनाउन लागिरहने आमा ।।
जति प्रशंसा गरिरहे पनि नसकिने आमा ।
No comments:
Post a Comment